تصنیفات
قلندر بابا اولیاء رحمتہ اللہ علیہ کی روحانی اولاد کو بابا صاحب ؒ کے فیض کو عام کرنے کے لئے تین کتابیں بطور ورثہ منتقل ہوئی ہیں۔
علم و عرفان کا سمندر رباعیات قلندر بابا اولیاءؒ
اسرارورموز کا خزانہ لوح و قلم،
کشف و کرامات اور ماورائی علوم کی توجیہات پر مستند کتاب تذکرہ تاج الدین باباؒ ۔
اس کے علاوہ قلندر بابااولیا ء ؒ نے اپنی روحانی اولاد کے لئے عالم لاہوت، ملکوت ، جبروت اور ارض و سماوات کی تخلیق اور تسخیر کائنات کے فارمولوں پر بہت سارے نقشے بناکر د یئے ہیں۔
حضوربابا صاحب ؒ کی زیر سرپرستی روحانی ڈائجسٹ کا پہلاجریدہ یکم دسمبر ۱۹۷۸ء کو منظر عام پر جلوہ گر ہوا۔ روحانی ڈائجسٹ کے بیشتر ٹائیٹل جُزوی تبدیلی کے ساتھ انہیں نقشوں کی عکاسی کرتے ہیں۔
حضورقلندر بابا اولیاء ؒ کی زندگی میں ہی ایک ٹرسٹ ، عظیمیہ ٹرسٹ فاؤنڈیشن کے نام سے تشکیل پاگیا تھا۔ عظیمیہ ٹرسٹ فاؤنڈیشن نے نارتھ کراچی میں مزار شریف اور خانقاہ کے لئے زمین حاصل کی۔ یہی وہ مقام ہے جہاں اس وقت قلندر بابا اولیاء ؒ محوِ استراحت ہیں اور مزار شریف مرجعِ خلائق ہے۔
مصنف : خواجہ شمس الدین عظیمی
حوالۂِ کتاب یا رسالہ : تذکرہ قلندر بابا اولیاءؒ
یہ مضمون چھپی ہوئی کتاب یا رسالہ میں صفحہ نمبر 35 سے 36تک ہے۔